एआईजी बढुवा सिफारिस लोक सेवाले सदर गर्यो
काठमाडौं – नेपाल प्रहरीको प्राविधिक अतिरिक्त महानिरीक्षक (एआईजी) बढुवा सिफारिस लोक सेवा आयोगले सदर गरेको छ ।
उजुरी उपर छानबिन गरेपछि कार्यसम्पादन मूल्यांकन अंकको आधारमा बढुवा रितपूर्वक भएको निष्कर्ष आयोगले निकालेको हो ।
बढुवा सम्बन्धी उजुरी सुन्ने समितिसँग कार्यसम्पादन मूल्यांकनको नम्बर जोडघटाउ गर्ने बाहेक अन्य विषय हेरफेर गर्न सक्ने प्रावधान छैन ।
उनले आफूमाथि अन्याय भएको भन्दै लोक सेवा आयोगमा बढुवा सिफारिस बदर गर्न पनि माग गरेका थिए ।
वरिष्ठ बाल रोग विशेषज्ञ पाठकले द्वन्द्वकालमा मध्यपश्चिम र सुदुरपश्चिमको विकट क्षेत्रमा काम गरेका थिए ।
गृहमन्त्रालयले गठन गरेको बढुवा समितिले सिंहलाई एआईजीमा बढुवा सिफारिस गरेको थियो । बढुवा समितिका अध्यक्ष गृहसचिव प्रेमकुमार राई थिए भने सदस्य सचिव प्रहरी महानिरीक्षक सर्वेन्द्र खनाल रहेका थिए ।
अस्पतालकी एआईजी डा. दुर्गा थापाले ३० बर्षे सेवाहदका कारण अवकास पाएकी थिईन् । थापाको अवकाशपछि वरिष्ठताका आधारमा सरकारले डीआईजी डा. मिनराज पाठकलाई नै अस्पतालको निमित्त मेडिकल डाइरेक्टरको जिम्मेवारी दिइएको थियो ।
राई नेतृत्वको समितिले प्रहरी नायब महानिरीक्षक (डीआईजी) हुँदा दोस्रो नम्बर वरियतामा रहेकी डा. आशा सिंहलाई एआईजीमा बढुवा गर्न सिफारिस गरेको थियो ।
