काठमाण्डु – मेडिकल व्यवसायी दुर्गा प्रसाईंलाई २ लाख धरौटीमा छाड्न काठमाण्डु जिल्ला अदालतले आदेश दिएको छ ।

विद्युतीय (इलेक्ट्रोनिक) कारोबारसम्बन्धी ऐन, २०६३ अन्तर्गत परेको मुद्दामा सुनुवाइ गर्दै अदालतका न्यायाधीश उमेशप्रसाद लुइँटेलको इजलासले प्रसाईंलाई २ लाख धरौटीमा रिहा गर्न आदेश दिएको हो ।

प्रसाईंविरुद्ध विद्युतीय कारोबारसम्बन्धी कसुरमा अनुसन्धानपछि जिल्ला अदालत काठमाण्डुमा मुद्दा दायर भएको थियो । यसअघि प्रसाईंकी श्रीमती उमा प्रसाईंले उनलाई गैरकानुनी रूपमा थुनामा राखिएको दाबी गर्दै सर्वोच्च अदालतमा बन्दीप्रत्यक्षीकरणको रिट दायर गरेकी थिइन् । रिटमाथि सुनुवाइका क्रममा सर्वोच्च अदालतले अनुसन्धान तथा म्याद थपसम्बन्धी सक्कल फाइलसमेत झिकाउन आदेश दिएको थियो ।