कांग्रेस, माओवादी र राजपाले बुझाएकाे नामावली आयोगद्वारा अस्वीकार, सच्याएर ल्याउन निर्देशन

काठमाडौं– निर्वाचन आयोगले कांग्रेस, माओवादी केन्केन्द्र र राजपा नेपाललाई नामावली सच्याउन भनेको छ।

ती राजनीतिक दललाई प्रतिनिधिसभा सदस्य निर्वाचनको समानुपातिक निर्वाचन प्रणालीतर्फ अन्तिम बन्दसूचीको समावेशी समूहको प्राथमिकता क्रमलगायतका आधारमा उम्मेदवार छनोट गरेपछि आयोगले यस्तो निर्देशन दिएको हो।

प्रमुख निर्वाचन आयुक्त डा.अयोधीप्रसाद यादवको अध्यक्षतामा सोमबार साँझ बसेको आयोग बैठकले नाम सिफारिस गर्न पुनः दुई दिनको समय दिएर पत्राचार गर्ने निर्णय गरेको हो।

आयोगले बन्द सूचीका उम्मेदवारहरूमध्ये निर्वाचित गर्न नाम सिफारिस गरेका तर प्रतिनिधि सभा सदस्य निर्वाचन ऐन, २०७४ अनुसार, समावेशी समूहको प्राथमिकता क्रमलगायतका आधारमा उम्मेदवार छनौट नभएकाले आयोगले फागुन २ गते पाँचबजेभित्र नामावली सच्याएर आयोगमा पेश गर्न भनेको छ।