दीपाश्री निरौलाको फेसबुक ह्याक गर्ने १४ वर्षीय युवक
काठमाण्डु – प्रहरीले कलाकारहरुको फेसबुक ह्याक गर्ने १४ वर्षीय युवकलाई पक्राउ गरेको छ । साइबर ब्यूरोले फेसबुक ह्याक गर्ने युवकलाई पर्साबाट पक्राउ गरेको छ ।
ब्यूरोका प्रवक्ता नविन्द अर्यालले पर्साको बहुदरमाई नगरपालिका–५ का १४ वर्षीय युवकले कलाकार दीपाश्री निरौलालगायतको फेसबुक ह्याक गरेको आरोपमा पक्राउ गरिएको जानकारी दिए ।
उनले फेसबुक ह्याक गरेर साथीहरुसँग पैसा माग्दै आइरहेका थिए । युवकले विद्युतीय कारोवार ऐन, २०६३ बमोजिम कसूर गरेकाले थप अनुसन्धान भइरहेको प्रहरीले जनाएको छ ।
