अर्थ ब्रेकिंग न्युज समाचार

सांसदको प्रश्नः फास्ट ट्रयाक २ वर्षभित्र बन्छ ? सेनाले दियाे जवाफ

काठमाडौँ—तराई÷मधेस फास्ट ट्रयाकको विस्तृत आयोजना प्रतिवेदन (डीपीआर) मन्त्रिपरिषद्मा अड्किएर बसेका बेला संसदीय समितिले निर्माणको जिम्मा पाएको नेपाली सेनालाई बोलाएर छलफल गरेको छ।

४ वर्षभित्र निर्माण सम्पन्न गर्ने लक्ष्य लिइएको यो सडकको नयाँ डीपीआर बनाएर रक्षा मन्त्रालय मार्फत् मन्त्रिपरिषद्मा पेश गरेको ३ महिना पुग्दा पनि स्वीकृत नभएका बेला संसदको विकास तथा प्रविधि समितिमा सोमबार छलफल भएको हो।

समितिका सदस्य सांसद गणेश पहाडीले ४ वर्षमा बन्ने भनिएको फास्ट ट्रयाक निर्माणको २ वर्ष बितिसक्यो, अब २ वर्षमा बन्ने आधार के छ ? भनेर प्रश्न गरेका थिए।
नेपाली सेनाका आयोजना प्रमुख सदरलाल श्रेष्ठले डीपीआर स्वीकृतिको चरणमा रहेको र निर्माणको काम धमाधम भइरहेको जानकारी दिए। भारतीय कम्पनीले बनाएको डीपीआरको आधारमा सडक खन्ने काम लगभग सकिएको उनले जनाए।

फास्ट ट्रयाकको लागत १ खर्ब ७५ अर्ब १९ करोड रुपैयाँ निर्धारण गरिएको छ भने  लम्बाई ७२.५ किलोमिटर निर्धारण गरिएको आयोजना प्रमुख श्रेष्ठले जानकारी दिए । द्रुतमार्गको बुदुनेमा इन्टर सेक्सन निर्माण गरिने र ६.४ किलोमिटर लामो सुरुङ बन्ने उनले जानकारी दिए । फास्ट ट्रयाक निर्माण सम्पन्न भएपछि १ घण्टा २ मिनेटमा काठमाडौँबाट बारा जिल्लाको निजगढ पुगिन्छ । विगतमा १ खर्ब १२ अर्ब लागत अनुमान गरिएको थियो।

Comments

comments

Now Get KathmanduPati App on your mobiles.

Android AppiOS App
ad

धेरै पढिएको समाचार

Vianet
Civil
Shivam Cement
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android AppiOS App
Scroll to Top