खेलकुद समाचार

धनगढी: मेयर कप फुटबलमा दुइटा टीम विजयी

कैलाली—धनगढी उपमहानगरपालिकाको आयोजनामा वडा नम्बर १२ मा जारी मेयर कप फुटवल प्रतियोगिता अन्तर्गत मंगलबारका खेलमा वडा नम्बर ७ र वडा नम्बर ८ विजयी भएका छन् ।

मनकामना युवा क्लबको मैदानमा भएको पहिलो खेलमा वडा नम्बर ७ विजयी भएको छ । वडा नम्बर ७ ले वडा नम्बर ५ लाई १–० ले हराएको हो । आफ्नो वडालाई जिताउन वडा नम्बर ७ का लागि रंगुल चौधरीले एक मात्रै निर्णायक गोल गरे । वडा नम्बर ५ का गोलरक्षक लोकेश चौधरीले फल गरेपछि पाईएको पेनाल्टी मार्फत रंगुलले गोल गरेका हुन् ।

मंगलबार भएको दोस्रो खेलमा वडा नम्बर ८ विजयी भएको छ । वडा नम्बर १० लाई वडा नम्बर ८ ले ७–१ को फराकिलो अन्तरले हराएको हो । वडा नम्बर ८ लाई जिताउन अजय चन्दले ३ गोल गरे । यसैगरी अभय चन्द गौरव चौधरी र वमबहादुर चौधरीले एक एक गोल गरे । वडा नम्बर १० का शिवकुमार रानाले आत्मघाती गरे । वडा नम्बर १० का लागि संजिव रानाले एक गोल फर्काए ।

नकआउट आधारमा सञ्चालन भईरहेको प्रतियोगिता अन्तर्गत वुधबार पनि दुई खेल हुनेछन् । पहिलो खेलमा वडा नम्बर १८ र वडा नम्बर १९ तथा दोस्रो खेलमा वडा नम्बर ४ र वडा नम्बर १२ प्रतिस्पर्धा गर्नेछन् । प्रतियोगिताको विजेतालाई एक लाख एक हजार र उपविजेतालाई ५१ हजार नगद पुरस्कार दिईनेछ । प्रतियोगिता सञ्चालनका लागि कैलाली जिल्ला फुटबल संघले प्राविधिक सहयोग गरेको छ । वडाका खेलाडीहरुलाई छनोट गरेर उपमहानगरपालिकाको टीम समेत बनाईने छ ।

Comments

comments

Now Get KathmanduPati App on your mobiles.

Android AppiOS App
ad

धेरै पढिएको समाचार

Vianet
Civil
Shivam Cement
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android AppiOS App
Scroll to Top