धनुषामा १५९ किलो गाँजा बरामद
धनुषा – जिल्लाको मुखियापट्टी मुसहरनिया गाउँपालिका–६ बैरियास्थित गोठबाट अवैध लागूऔषध गाँजा १५९ किलो मंगलबार बिहान प्रहरीले बरामद गरेको छ ।
गोठमा लागूऔषध लुकाइछिपाई राखिएको भन्ने खबर प्राप्त हुनासाथ प्रहरी चौकी बहेडाबेला र जिल्ला प्रहरी कार्यालय धनुषाबाट खटिएको प्रहरी टोलीले गाँजा फेला पारी बरामद गरेको हो ।
बरामद गाँजा सम्बन्धमा आवश्यक अनुसन्धान गरिरहेको प्रहरीले जनाएको छ ।