काठमाण्डु– धादिङ जिल्लाका एसपी गौतम केसीलाई हेडक्वाटरमा तानिएको छ । प्रहरी प्रधान कार्यालयले केसीको सट्टा दीपेन्द्र शाहीलाई धादिङ पठाइएको हो ।

बाढी पहिरोको विपत्तिको जोखिमको बेला काम सन्तोजनक नभएको भन्दै प्रहरी हेडक्वाटरले धादिङका प्रहरी प्रमुख हेरफेर गरेको हो ।

यस्तै आजै धादिङका प्रमुख जिल्ला अधिकारी राजेन्द्रदेव पाण्डे र काभ्रेका प्रमुख जिल्ला अधिकारी सूर्यप्रसाद सेडाईको सरुवा गरिएको हो । मन्त्रालयले धादिङमा पाण्डेको ठाउँमा सुमन घिमिरे र काभ्रेमा सेडाईको ठाउँमा उमेश ढकाललाई पठाएको छ ।