काठमाण्डु– मंगलबार नेपाली बजारमा सुनको भाउ घटेको छ । अघिल्लो दिनको तुलनामा आज सुनको भाउ तोलामा ४ हजार ५ सय रुपैयाँले घटेको हो ।

हिजो २ लाख ८२ हजार ४ सय रुपैयाँमा कारोबार भएको सुन आज २ लाख ७७ हजार ९ सय रुपैयाँमा कारोबार हुने नेपाल सुनचाँदी व्यवसायी महासंघले जनाएको छ ।

हिजो सुनको भाउ तोलामा १४ सय रुपैयाँले घटेको थियो ।

यस्तै आज चाँदीको भाउ २५ रुपैयाँले घटेर ४२८५ रुपैयाँ कायम भएको महासंघले जनाएको छ ।