सुनको भाउ इतिहासकै उच्च, ९१ हजार ३ सय पुग्यो
काठमाडौं – सुनको भाउ तोलामा ७ सय रुपैयाँ बढेर ९१ हजार ३ सय रुपैयाँ पुगेको छ । यो मूल्य आजसम्मकै उच्च हो । शुक्रबार तोलाको ९० हजार ६ सयमा कारोबार भएको थियो ।
त्यस्तै तेजावी सुनको भाउ पनि ९० हजार ८ सय ६० पुगेको छ । शुक्रबार ९० हजार १ सय ६० तोकिएको थियो । चाँदीको मूल्य पनि तोलामा ५ रुपैयाँले बढेर ९ सय ४५ कायम भएको महासंघले जनाएको छ ।
अन्तर्राष्ट्रिय बजारमै सुनको मूल्य घटबढ भएकोले नेपालमा पनि त्यसको असर परेको नेपाल सुनचाँदी व्यवसायी महासंघले बताएको छ।
.
