प्रोस्टेटको समस्याले रक्षामन्त्री खड्का अस्पताल भर्ना, छाउनीमा उपचार हुँदै
काठमाण्डु – उपप्रधान एवं रक्षामन्त्री पूर्णबहादुर खड्का प्रोस्टेट सम्बन्धी समस्या देखिएर उपचारका लागि अस्पताल भर्ना भएका छन् ।
उपप्रधानमन्त्री खड्काको नेपाली सेनाको छाउनी अस्पतालमा उपचार भइरहेको छ ।
कांग्रेस उपसभापति समेत रहेका खड्काको प्रोस्टेटको शल्यक्रिया गरिएको छ । उनलाई थप केही दिन अस्पतालमा राखिने भएको छ ।
उनको स्वास्थ्यमा सुधार हुँदै गएको अस्पतालले जनाएको छ ।
