काठमाण्डु-मुटुसम्बन्धी विशिष्टीकृत गंगालाल हृदयरोग केन्द्रमा गत माघदेखि स्वास्थ्य बिमा सेवा ठप्प छ । त्यस्तै, त्रिवि शिक्षण अस्पतालमा पनि १ माघदेखि नै बिमा सेवा बन्द गरिएको छ । यी दुई ठुला अस्पतालमा बिमा सेवा रोकिएपछि त्यहाँका बिरामी वीर अस्पतालमा केन्द्रित हुन थालेका छन् ।

वीर अस्पतालका निर्देशक डा दिलीप शर्माका अनुसार, बिमा सेवा बन्द हुनुअघि दैनिक करिब ५०० बिरामीले सेवा लिने गर्थे र अहिले त्यो संख्या बढेर दैनिक करिब १,००० पुगेको उनले बताए ।

त्यसैले वीरको भिड कम गर्न अन्य अस्पतालले बिमा सेवा रोक्नुहुँदैन । वीरमा एमआरआई र सिटिस्क्यानका लागि १५ दिनभन्दा बढी पालो कुर्नुपरेको बिरामीले गुनासो गरेका छन् ।