काठमाण्डु – ह्वावे डिजिटल पावरले नेपाल पूर्वाधार सम्मेलन २०२४ मा सफलतापूर्वक सहभागिता जनाएको छ ।

कन्फेडेरेसन अफ नेपाली इन्डस्ट्रिज सीएनआईले काठमाण्डुमा आयोजना गरेको २ दिने कार्यक्रममा विश्वभरका नीति निर्माता, उद्योगी व्यवसायी र वैज्ञानिक आविष्यकारकहरू भेला भएर नेपालको पूर्वाधार विकासबारे छलफल भएका थियो ।

सम्मेलनको प्रमुख ध्यान हरित ऊर्जा, दीगोपन र डिजिटल रूपान्तरणमा केन्द्रित गरिएको थियो । यस वर्षको सम्मेलन नेपालको पूर्वाधारको भविष्यलाई आकार दिनमा स्वच्छ ऊर्जा र डिजिटलाइजेसनको महत्त्वपूर्ण भूमिका रहनेतर्फ केन्द्रित रह्यो ।

भदौ २७ गतेको ऊर्जा र जलस्रोत प्यानल छलफलमा, ह्वावे एपीएसी डिजिटल पावर स्मार्ट पिभि एण्ड इएसएसका अध्यक्ष चेन योंगले ‘स्मार्ट र दीगो संसारको लागि ऊर्जा डिजिटलाइजेसन’ शीर्षकमा अध्ययन प्रस्तुत गरे । उनले ह्वावेको वैश्विक ऊर्जा रूपान्तरणमा भूमिका, डिजिटल समाधानलाई पावर इलेक्ट्रोनिक्ससँग एकीकृत गरेर स्वच्छ ऊर्जा उपलब्ध गराउने र हरित क्रान्तिमा योगदान पुर्‍याउने स्पष्ट पारे ।

चेन योंगले भने, ‘वैश्विक ऊर्जा परिदृश्य द्रुतगतिमा परिवर्तन भइरहेको छ, जलवायु परिवर्तनको आवश्यकता र दीगो वृद्धि विश्वव्यापी आवश्यकता हो । ह्वावे कार्बन तटस्थता समर्थन गर्न प्रतिबद्ध छ । कम कार्बन ऊर्जा उत्पादन, इलेक्ट्रिक ऊर्जा खपत, र डिजिटलाइजेसनलाई एकीकृत गरेर हरित रूपान्तरणलाई सशक्त पार्न ह्वावे अडिग छ । ५औं औद्योगिक क्रान्ति आईआर, जसले कम कार्बन र बौद्धिक प्रविधिहरूसँग मेल खान्छ, जसले हामीलाई हरित संसारसँग ल्याउँछ ।’

चेनले ह्वावे स्मार्ट पिभि सोलुसन्सहरूबारे प्रकाश पार्दै कृत्रिम बुद्धिमत्ता र क्लाउड कम्प्युटिङको मद्दतले सौर्य पावर प्लान्टहरूको प्रदर्शनलाई अधिकतम ऊर्जा उत्पादन सुनिश्चित गर्ने र सञ्चालन लागतलाई घटाउने उल्लेख गरे । उनले ह्वावेका स्मार्ट ब्याट्री एनर्जी स्टोरेज सिस्टम बीईएसएसको बारेमा थप व्याख्या समेत गरे । उनले भने, ‘यस प्रविधिले भण्डारण दक्षता सुधार्छ, हानिलाई कम गर्छ र नवीकरणीय ऊर्जा स्रोतहरूसँग सहज रूपमा एकीकृत हुन्छ ।’ उनले ह्वावेको लिक्विड कुल्ड अति तीव्र चार्जिङ प्रविधिको परिचय पनि दिए । उनले भने, ‘जसले तीव्र र सुविधाजनक इभि चार्जिङ प्रदान गर्दछ, विद्युतीय वाहनहरूको प्रयोगलाई सहज बनाउन सहयोग गर्दछ ।’

चेन योंगको अध्ययन प्रस्तुतिका प्रमुख निष्कर्षहरू :
– वैश्विक ऊर्जा परिदृश्य कार्बन तटस्थता लक्ष्य र अर्थतन्त्रहरूको नेट जÞीरो प्रतिज्ञाका कारण रूपान्तरित हुँदैछ ।
– कार्बन उर्जा उत्पादन र डिजिटलाइजेसनको संयोजनले हरित रूपान्तरणको ठूलो सम्भावना प्रदान गर्दछ ।
– उच्च कार्बनबाट कम कार्बन र अन्ततः नेट जीरो कार्बनमा परिवर्तन दीगो भविष्यको लागि अनिवार्य छ ।
– नवीकरणीय ऊर्जा प्रविधिको अपनाउने आवश्यकता अनिवार्य छ, यो भविष्यको आर्थिक वृद्धि र पर्यावरणीय दीगोपनको लागि महत्त्वपूर्ण छ ।

ह्वावे डिजिटल पावरको सम्मेलनमा सहभागिताले यसको स्मार्ट पिभि र इएसएस सोलुसन्सहरूको माध्यमबाट नेपालको हरित ऊर्जा संक्रमणमा यसको योगदानलाई स्पष्ट पारेको छ । यी नवप्रवर्तनहरू नेपालका उद्देश्यहरूसँग मिल्छ, जसले प्राकृतिक स्रोतहरूलाई बढी कुशलताका साथ प्रयोग गर्ने र आर्थिक वृद्धि र दीगोपनलाई समर्थन गर्ने लक्ष्य राख्दछ ।

सम्मेलनको समापनसँगै ह्वावे डिजिटल पावरले नेपाललाई उन्नत डिजिटल पावर समाधानहरूसँग सशक्त पार्नका निम्ति आफ्नो प्रतिबद्धता पुनः पुष्टि गरेको छ । स्थानीय सरोकारवालहरूसँगको साझेदारीमार्फत ह्वावे डिजिटल पावरले नेपालको हरित र डिजिटल रूपान्तरणको यात्रा सहयोगी पात्रका रुपमा रहेने लक्ष्य राखेको छ ।

ह्वावे डिजिटल पावर टेक्नोलोजिज कम्पनी लिमिटेड संक्षेपमा ह्वावे डिजिटल पावर विश्वको एक प्रमुख डिजिटल पावर उत्पादन र समाधान प्रदायक हो । ह्वावेले भनेको छ, ‘हामी डिजिटल र पावर इलेक्ट्रोनिक्स प्रविधिहरूलाई एकीकृत गर्ने, स्वच्छ उर्जा विकास गर्ने, र ऊर्जा डिजिटलाइजेशनलाई सक्षम पार्ने प्रतिबद्धता राख्दछौं, ताकि एक राम्रो र हरित भविष्यको लागि ऊर्जा क्रान्ति उत्पन्न गर्न सकियोस् । स्वच्छ शक्ति उत्पादन क्षेत्रमा, हामी नयाँ पावर प्रणालीहरू सिर्जना गर्न मद्दत गर्दछौं जसले मुख्य रूपमा नवीकरणीय ऊर्जा निर्भर गर्दछ । मोबिलिटी इलेक्ट्रिफिकेशन क्षेत्रमा, हामी विद्युतिय वाहनहरू इभि मा उपभोक्ता ड्राइभिङ्ग र चार्जिङ्ग अनुभवलाई सुधार्छौं जस मार्फत हरित यात्रा प्रवर्द्धन भइरहेको छ । हरित आईसीटी पावर पूर्वाधार क्षेत्रमा, हामी हरित, कम कार्बन, र बौद्धिक डेटा केन्द्रहरू र सञ्चार नेटवर्कहरू निर्माण गर्न मद्दत गर्दछौं । ह्वावे डिजिटल पावरले विश्वका विभिन्न साझेदारहरूसँग खुला सहयोग मार्फत नवप्रवर्तन गर्दै कार्बन तटस्थता प्रवर्द्धन गर्दैछ । ह्वावे डिजिटल पावरले १७० भन्दा बढी देश र क्षेत्रहरूमा ३ अर्बभन्दा बढी व्यक्तिहरूलाई सेवा प्रदान गर्दछ ।’