समाचार

हुलाकी सडक हिलाम्य, बाटो अवरुद्ध, सरोकारबाला मैन

आलोक यादव

सिरहा । बहुचर्चित सडक आयोजना हुलाकी राजमार्ग हिलैहिलो भएका कारण आवतजावत नै अवरुद्ध भएको छ । लगातार तीन दिनदेखि परेको पानीले सडकमा प्रयोग गरिएको चिप्लो माटो हिलाम्य हुँदा हिँडन नसकिने अवस्थामा पुगेको हो ।

हुलाकी राजमार्ग अन्तर्गत सिरहाको भगवानपुर गाउँपालिका, नबराजपुर गाउँपालिका, बरियारपट्टी गाउँपालिका, औरिही गाउँपालिकाको विभिन्न स्थानमा हिलोले बाटो चिप्लो भए पछि आवतजावत नै अवरुद्ध भएको हो ।

सिरहा नगरपालिकासँग टाँसिएको बरियारपट्टी गाउँपालिकाको कचनारि, नर्गी ,कजरा लगायतको स्थानमा हिलामै कै कारण सवारी साधन चलाउन नै बन्द गर्नु परेको अटो रिक्सा चालक अनिल सदायले बताउनुभयो । एक दर्जन भन्दा बढीको संख्यामा सञ्चालनमा रहेको अटो रिक्सा, सफारी, भाडाका जीप चल्न बन्दा भएको अर्का चालक रामेश यादवले जानकारी दिनुभयो ।

भाडाका सवारी साधन सञ्चालनमा नआएपछि निजी मोटरसाइकल, साइकलमा सिरहा आउने र घर फर्किन २० मिनेटको बाटो तय गर्न दुई घण्टा लाग्ने गरेको बताइएको छ । मोटरसाइकल, साइकल ती सडक खण्डमा हिलोमा चिप्लेर दुई दर्जन भन्दा बढी मोटरसाइकल दुर्घटनामा परेको प्रत्यक्षदर्शी बिबेक यादवले बताउनुभयो ।

निर्माण कम्पनीले वर्षा अगाडि लामो समयदेखि माटो हालेर थप काम नगर्दा सामान्य वर्षामा बाटोमा हिड्न सकिने अवस्था छैन, स्थानीय अनिल यादवले भन्नुभयो, निमार्ण कम्पनीले आधा भाग ग्राभेल र आधा भाग माटोको काम गरेको भए यस्तो अवस्था हुदैन्थ्यो । माटो हालेको पाँच /छ महिना भयो, त्यसपछि थप काम गरेनन् ।

हुलाकी राजमार्गको स्तरोन्नती कार्य कछुवाको गतिमा भइरहेकोले भगवानपुर, गमहरिया,फुलबरिया, जगतपुर, कजरा, जिझोल,मझौरा, नरगीलगायत तीन दर्जन गाउँका बासिन्दाले सास्ती भोगनु परेको छ ।

तराई–मधेश विकासको मेरुदण्डको रुपमा बहुचर्चित हुलाकी सडकको स्तरोन्नती र पुल निर्माण कार्य कछुवा गतिमा चलिरहेको छ । वर्षाको प्रभावलाई मध्यनजर नगरी बाटो नै अवरुद्ध हुने गरी निर्माण कम्पनीले काम गर्दा बाटो अवरुद्ध भएको छ । बाटो अवरुद्ध हुँदा दस किलो मिटर बाटोको सट्टा ८० किलो मिटर लामो घुमारो बाटो तय गरी गन्तव्यमा पुग्न बाध्य भएको स्थानीवासीहरु बताउँछन् ।

तराई–मधेशको कृषि उत्पादनलाई बजारीकरण, विद्यालयसम्मको सहज पहुँच, स्वास्थ्य सेवा लगायत सबै क्षेत्रको विकासको आधार हुलाकी राजमार्ग भएका कारण स्तरोन्नती र पुल निर्माण कार्य भइरहेको छ ।

Comments

comments

Tags

Now Get KathmanduPati App on your mobiles.

Android AppiOS App
ad

धेरै पढिएको समाचार

Vianet
Civil
Shivam Cement
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android AppiOS App
Scroll to Top