काठमाण्डु– इरानमा रहेका १६ जना नेपालीहरूलाई स्वदेश फर्काउने प्रक्रिया सुरु भएको छ। सोमबारको प्रतिनिधि सभा बैठकमा परराष्ट्रमन्त्री आरजु राणा देउवाले उक्त जानकारी दिएकी हुन् ।

उनले नेपाली फर्काउन भारतको सहयोग मागेको समेत बताइन्। ११ जना नेपाली मसाद भन्ने ठाउँमा पुगेको र भोलिसम्म भारत आइपुग्ने समेत मन्त्री राणाले जानकारी दिइन्।

यस्तै देउवाले इजरायलबाट नेपाल फर्कन ८ सय ८५ जनाले नाम टिपाएको जनाएको जानकारी दिइन् ।

उनले भनिन् ‘इरानमा रहेका १६ जना नेपालीहरूलाई उद्धार गरिदिन भारत सरकारलाई अनुरोध गरिएकोमा इरानस्थित भारतीय राजदूतावासको सहयोगमा ११ जनालाई नेपाल फर्काउने प्रकृया सुरू भएको छ,’ बाँकी ५ जना अध्यागमन कानुनका कारण थुनामा रहेकाले कागजी प्रकृया पूरा गरी स्वदेश फर्काउन मन्त्रालयले नेपाली राजदूतावास, दोहा मार्फत पहल गरिरहेको छ।’

११ जना नेपाली मसाद भन्ने ठाउँमा पुगेको र भोलिसम्म भारत आइपुग्ने समेत मन्त्री राणाले जानकारी दिइन्।

‘जुन १७ बाट अनलाइन पोर्टल खोलेर नेपाली नागरिकहरुको विवरण लिन सुरु गरेका छौँ । र उक्त पोर्टलमा हालसम्म ८ सय ८५ जनाले दर्ता गर्नुभएको छ,’अबको एकरदुई दिनमा श्रम संसार भन्ने मोबाइल एप नागरिक एपसँग मिलाएर रिलिज पनि गर्न गइरहेका छौँ । त्यसपछि विश्वभरी रहेका जतिपनि नेपाली नागरिकहरू हुनुहुन्छ ।’ परराष्ट्रमन्त्री राणाले भनिन् ।