कला र मनोरञ्जन

जाजरकोटी युवा क्षितिजको कविताले जित्यो गोपीको प्रथम पुरस्कार

काठमाडौं – शुक्रबारबाट प्रदर्शनमा आएको नेपाली कथानक चलचित्र ‘गोपी’ले आयोजना गरेको कविता लेखन प्रतियोगितामा जाजरकोटका क्षितिज समर्पण (रामकुमार शाही) प्रथम भएका छन् ।

Dish Home

उनले लेखेको कविता ‘अस्थिपञ्जर बन्नुअघि’ले सर्वोत्कृष्ट भई प्रथम पुरस्कार जितेको हो । पुरस्कार राशी ३० हजार रुपैयाँ रहेको छ । प्रतियोगिताका सहभागीहरुले ‘गोपी’ फिल्मको ट्रेलर हेरेर त्यसैमा आधारित स्वावलम्बन तथा स्वरोजगार विषयमा कविता लेखेका थिए । सबै कविताको मूल्यांकन कविद्वय उपेन्द्र सुब्बा र नवराज पराजुलीले बुधबार गरेका हुन् ।

आयोजक आरोही इन्टरटेनमेन्टका अनुसार प्रतियोगिताका लागि २ सयभन्दा बढी कविता प्राप्त भएको थियो । ती कविताबाट निर्णायकद्वयले उत्कृष्ट १० छानेर प्रथम, द्वितीय र तृतीय विजेताको छनोट गरेका थिए । जाजरकोटको साविक पुन्मा गाविस–३, छिप्रेना हाल भेरी नगरपालिका–५ मा जन्मिएका क्षितिज अहिले काठमाडौँमा बसेर पत्रकारिता, साहित्य र कलाकारितामा संलग्न छन् ।

प्रतियोगितामा निरज दाहालको ‘स्वावलम्बी झन्डा’ द्वितीय र सुमन थापा मगरको ‘फर्किउ तिमी’ कविता तृतीय पुरस्कार जित्न सफल भएका छन् । उनीहरुले क्रमशः २० हजार र १० हजार रुपैयाँ पुरस्कार पाउनेछन् । उत्कृष्ट १० परेका बाँकी सातवटा कवितालाई सान्त्वनास्वरुप ५–५ हजार रुपैयाँ प्रदान गरिनेछ ।

सान्त्वना पुरस्कार पाउन सफल कवितामा मदन पन्थीको ‘श्रमको शरम’, दीपक पाण्डेयको ‘सपनाको फाँटबारी’, रमा फुयालको ‘तिम्रो पर्खाइमा’, प्रकाश आचार्यको ‘संकल्प’, शुभचन्द्र राईको ‘समयको आह्वान’, निखिल पाण्डेको ‘आधुनिक मदन’ र नवराज अधिकारीको ‘गोपी बनुँ मै पनि’ छन् । विजेताहरुलाई आगामी हप्ता पुरस्कार वितरण गरिने आयोजकले जनाएको छ । सयौं युवालाई कविता लेख्न उत्प्रेरित गरेकोमा कविद्वय सुब्बा र पराजुलीले ‘गोपी’ फिल्मप्रति आभार व्यक्त गरे ।

Comments

comments

Now Get KathmanduPati App on your mobiles.

Android AppiOS App
ad

धेरै पढिएको समाचार

SUMEGH
Prabhu Bank
Shivam Cement
Yeti Airlines
Kumari Bank
Shikhar Insurance
Salt Trading
Nepal Life Insurance

Now get KathmanduPati App on your mobiles.

Android AppiOS App
Scroll to Top