बाबुरामलाई अराजक भन्दै कमल थापाले भनेः अदालतलाई तर्साउने !
काठमाण्डु – राष्ट्रिय प्रजातन्त्र पार्टी (राप्रपा)का अध्यक्ष कमल थापाले डा. बाबुराम भट्टराईले अदालतलाई तर्साउन खोजेको आरोप लगाएका छन् ।
सोमबार एक कार्यक्रममा डा. भट्टराईले ‘संसद पुर्नस्थापना नभए हातमा दही जमाएर बस्दैनौं’ भनेर दिएको अभिव्यक्तिमाथि अध्यक्ष थापाले आपत्ति जनाएका हुन् ।
उनले संसद विटको विषय सर्वोच्च अदालतमा विचाराधीन रहेको अवस्थामा जिम्मेवार व्यक्तिको अराजक अभिव्यक्तिले अदालतलाई तर्साउने र संविधानको हत्या गरेर अस्थिरता खडागर्ने तर्फ उद्यत रहेको बताएका छन् ।
‘संविधानमा रहेका अस्पष्टता/विवाद निरूपण गर्ने अधिकार संविधानले सर्वोच्च अदालतलाई दिएको अवस्थामा ‘प्रतिनिधिसभा पुनर्स्थापना नभए हातमा दही जमाएर,रामनाम जपेर बस्दैनौं’ भन्ने एक नेताको अराजक अभिव्यक्तिले अदालतलाई तर्साउने र संविधानको हत्या गरेर अस्थिरता खडा गर्नेतर्फ उद्यत रहेको देखिन्छ’, उनले भनेका छन् ।
