लिङ्देनसँग हारेका थापाले सम्झिए पुरानो गीत – यसपालि त मनै फाट्यो…
काठमाण्डु – राष्ट्रिय प्रजातन्त्र पार्टी (राप्रपा) अध्यक्षमा पराजित भएपछि कमल थापाले एउटा पुरानो गीत सम्झिएका छन् । थापाले सामाजिक सञ्जाल ट्वीटरमार्फत पुरानो गित सम्झिएको बताएका हुन् ।
उनले राजेन्द्र थापाको गीतका केही हरफसमेत ट्वीट गरेका छन् । यो गीतलाई अरूणा लामाले गाएकी थिइन् । ‘मेरो अन्तर्मनभित्र मेरो मान्यतामाथि गंभीर प्रश्न चिन्ह खडा भएको अहिलेको अवस्थामा कवि राजेन्द्र थापाको यो कविता सम्झन मन लाग्यो । पोहोर साल खुशी फाट्दा जतन गरि मनले टाले त्यहि साल माया फाट्यो । त्यसलाई पनि मनले टाले यसपाली त मनै फाट्यो केले सिउने केले टाल्ने हो ?’ उनले ट्वीटमा लेखेका छन् ।
अध्यक्षमा पराजित भएपछि थापाले लगातार ट्वीट गरिरहेका छन् । उनले पूर्वराजा ज्ञानेन्द्र शाह र हिमानी शाहप्रति पनि आक्रोश पोखेका छन् । थापाले आफू अध्यक्ष पदमा पराजित हुनुमा पूर्वराजा शाहको हात भएको बताएका छन् ।
मेरो अन्तर्मन भित्र मेरो मान्यता माथि गंभीर प्रश्न चिन्ह खडा भएको अहिलेको अवस्थामा कवि राजेन्द्र थापाको यो कविता सम्झन मन लाग्यो
“पोहोर साल खुशी फाट्दा
जतन गरि मनले टाले
त्यहि साल माया फाट्यो
त्यसलाई पनि मनले टाले
यसपाली त मनै फाट्यो
केले सिउने केले टाल्ने हो?”— Kamal Thapa (@KTnepal) December 5, 2021