काठमाण्डु– प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवाबीच भेटवार्ता भएको छ ।

प्रधानमन्त्री निवास बालुवाटारमा भएको भेटमा समसामयिक राजनीतिक अवस्थाबारे छलफल भएको प्रधानमन्त्रीको सचिवालयले जनाएको छ ।

हिजो साँझ हुने भनिएको भेटवार्ता आज भएको प्रधानमन्त्रीका सचिवालय सदस्य रामशरण बजगाईँले जानकारी दिए ।

प्रधानमन्त्रीको स्वास्थ्यको कारण देखाउँदै देउवासँगको भेट आजका लागि सारिएको थियो ।यो भेट नियमित भएको बताइएको छ ।