काठमाण्डु – अख्तियार दुरुपयोग अनुसन्धान आयोगका आयुक्त सुमित्रा अमात्यले गुठीको जग्गा मिचेको खुलासा भएपछि ललितपुर महानगरपालिकाले डोजर चलाएको छ ।

ललितपुर महानगरका मेयर चिरिबाबु महर्जनले निर्देशन दिएपछि जग्गा मिचिएको स्थानमा डोजर चलेको छ । ललितपुर–१० चाकुपाटस्थित सुमित्रा अमात्यले सम्पदाको जग्गा मिचेर संरचना बनाएको पाइएपछि महानगरले खाली गराएको छ ।

गुठीयार, आयुक्तको परिवार र महानगरबीच पटक–पटक छलफल गरेर जग्गा खाली गराउन आग्रह गरिएको भए पनि अटेरी गरेपछि डोजर चलाउनुपरेको महानगरले जनाएको छ ।

ललितपुर महानगरका मेयर चिरिबाबु महर्जनले गुठीको जग्गा भएको र गुठीयारले पटक–पटक अनुरोध गर्दा पनि नमानेपछि भत्काउनुपरेको बताए ।