अन्तरास्ट्रिय

सिरियामा अमेरिकालाई साथ दिन्छौँ : फ्रान्सेली राष्ट्रपति

पेरिस- फ्रान्सेली राष्ट्रपति इमानुएल म्याक्रोनले सिरियामा हुने कारबाहीका लागि फ्रान्सले अमेरिकालाई साथ दिने बताउका छन् । उनले भने ‘हामी सिरियाका विषयमा अमेरिकालाई सहयोग गर्नेछौँ, अमेरिकालाई यो बाचा गरिसकेका छौँ तर अन्तर्राष्ट्रिय कानुन अनुसार नै हामीले सिरियामाथि कारबाही गरेका छौँ ।’

उनले आवश्यक परेमा लामो समयसम्म पनि सिरियामा अमेरिकासँगै रहेर कामगर्ने गरी गत शनिबार संयुक्त रुपमा आक्रमण गरिएको दाबी गरेका छन् ।  राष्ट्रपति म्याक्रोनले उक्त आक्रमण विधिसम्मत नै रहेको जिकिर पनि गरे । ‘सिरियामा गएका सात वर्षमा धेरै नागरिक मारिएका छन् र यहाँको सरकारले नै घातक हतियारहरुको प्रयोग गरिरहेको छ त्यसैले ती हतियार नष्ट गर्नुपर्ने भएकोले सो आक्रमण वैधानिक रहेको उहाँको भनाई थियो ।’ उनले भने ।

उनले विश्व समुदायलाई सिरियाको मानवहत्या रोक्ने काममा सघाउन पनि आग्रह गरे । उनले मानवका विरुद्धमा यस्ता रासायनिक र घातक हमलाहरु प्रयोग गरेकोमा सिरियाली सरकार कडा कारबाहीको भागिदार बन्नुपर्छ र यसका लागि विश्व समुदायले पनि सहयोग गर्न अाग्रह गरे ।

फ्रान्सेली राष्ट्रपति इमानुएल म्याक्रोन

अमेरिका, रुस र फ्रान्सको हमला भनेको अरु केही नभएर सिरियाली सरकारले भण्डारण गरेको मानव स्वास्थ्यका लागि घातक मानिएका रासायनिक हतियारहरुको नष्ट गर्नु हो भन्दै हवाई आक्रमणहरु पनि ती बाहेक अन्यत्र कतै नगरिएकोले विश्व समुदायले यसलाई राजनीतिक मुद्धा बनाउन उचित नहुने बताएका छन् ।

सिरियामा अमेरिका, बेलायत र फ्रान्सले गएको शनिबार हवाई आक्रमण गरेका थिए । शनिबार सिरियाको राजधानी सहर दमासकस र यसको वरपरका क्षेत्रमा आक्रमण भएको थियो । विशेषगरी सिरियाली राजधानी दमासकसमा भएको यो आक्रमण अमेरिकी नेतृत्वमा शुरु भएको थियो । तर, सो आक्रमण शनिबारै अन्त्य भएको घोषणा गरिएको छ ।

तर पनि आवश्यक परेमा यस्तो आक्रमण फेरि पनि गरिने धारणा अमेरिकी राष्ट्रपति डोनाल्ड ट्रम्पले राखेका छन् । अमेरिकी राष्ट्रपति डोनाल्ड ट्रम्पले सिरियामा हमलाका लागि आफूले अनुमोदन गरेकोले फेरि पनि आवश्यक परेमा सिरियामाथि कारबाही हुने दावी गरेका छन्। डुमामा सिरियाले रासायनिक हतियार राखेर आक्रमण गरिरहेकोले सो हतियार रहेको भण्डारणमा हमला भएको छ । सो कारबाहीका लागि बेलायत र फ्रान्सले पनि साथ दिएको थियो ।

आक्रमणको अमेरिकामा विरोध
अमेरिकी नेतृत्वमा सिरियामा भएको आक्रमणका विरुद्ध अमेरिकामै सरकारको विरोध भएको छ । यस आक्रमणको अनुमोदन गरेको भन्दै राष्ट्रपति ट्रम्पको विरोध गर्दै उक्त कार्यका विरुद्धमा अमेरिकी नागरिकको हस्ताक्षर समेत संकलन गरेका छन् ।

अमेरिकी राष्ट्रपतिको कार्यालय ह्वाइटहाउस अगाडि जम्मा भएर हजारौँ अमेरिकीले आइतबार प्रदर्शन गरेका हुन् । प्रदर्शनकारीहरुले त्यस अवसरमा राष्ट्रपति ट्रम्पको विरुद्धमा नाराबाजी पनि गरेका छन् । प्रदर्शनकारीहरूले पहेँलो ब्यानर लिएर सिरियामा आक्रमण गर्ने काम तत्कालै बन्द गर्न भनेका छन् । उनीहरूले युद्धको बाटो छोडेर शान्तिको मार्ग रोज्न आह्वान गरेका छन् ।

उता राष्ट्रपति ट्रम्पले भने सिरियाली सरकारले रासायनिक हतियारको प्रयोग गरेर हजारौँ नागरिक मारेको भन्दै त्यसैको विरुद्धमा आक्रमण लक्षित रहेको दावी गरेका छन् । रासस/एएफपी

Comments

comments

धेरै पढिएको समाचार

error: Content is protected !!
Scroll to Top