तत्काल लकडाउन नखोल्न प्रधानमन्त्री ओलीको निर्देशन
काठमाडौं – बालुवाटारमा मन्त्रिपरिषद्को बैठक सम्पन्न भएको छ ।
प्रधानमन्त्रीको सरकारी निवास बालुवाटारमा बसेको बैठकमा कोरोना भाइरस संक्रमण र रोकथाम तथा यसको प्रभावका विभिन्न पक्षमा छलफल भएको बैठकमा सहभागी एक मन्त्रीले जानकारी दिए ।
बैठकमा मन्त्रीहरुले लकडाउन खुकुलो पार्नुपर्ने कुरा राखेपछि प्रधानमन्त्रीले अबको एक दुई दिनमा यस विषयमा निर्णय गर्नुपर्ने धारणा राखेका हुन् ।
मन्त्रीपरिषद बैठकले विभिन्न क्षेत्रका विज्ञहरुको राय समेतलाई समेटेर लकडाउन कहाँ कसरी कार्यन्वयन गर्ने,कहाँ अझ कडा गर्ने र कहाँ खुला बनाउने कार्ययोजना बनाउन उच्चस्तरीय समन्वय समितिलाई जिम्मा दिएको छ ।
