समाचार

लोकसेवाको सबै रिटमाथि सुनुवाई आज : ४ लाखले भरे फाराम, के होला सर्वोच्चको निर्णय ?

काठमाडौं – स्थानीय तहका लागि लोक सेवा आयोगले गरेको ९ हजार १६१ जनाको विज्ञापनका सम्बन्धमा परेका ४ रिटमाथि सर्वोच्चमा आज सुनुवाइ हुँदैछ । रिट न्यायाधीशद्वय हरिकृष्ण कार्की र डा. आनन्दमोहन भट्टराईको संयुक्त इजलासमा परेको छ ।

रद्ध हुने या नहुने भन्ने अन्योलमा रहँदै आएको विज्ञापनमा मंगलबारसम्म चार लाख भन्दा बढीले फाराम भरेका छन् ।

लोकसेवा आयोगले गत जेठ १५ गते खुलाएको विज्ञापनको अन्तिम म्याद असार १० अर्थात हिजो मंगलबार राति १२ बजेबाट समाप्त भएको छ । आजबाट भने असार १७ गतेसम्म डबल दस्तुरमा फारम भर्न सकिने आयोगले जनाएको छ ।

नियमित दस्तुर तिरेर आवेदनका लागि दिएको समयावधिभित्र मंगलबार साँझसम्म ३ लाख ६७ हजार ६९७ जनाको आवेदन दर्ता भएको लोकसेवा आयोगले जनाएको छ ।

जसअन्तर्गत खुलातर्फ ३ लाख ६३ हजार १८४, महिलामा ८८ हजार ७६६, जनजातितर्फ ३७ हजार ९८०, मधेसीतर्फ २१ हजार ७९४, दलिततर्फ २ हजार ७१०, अपांगता भएकातर्फ १३१ र पिछडिएका क्षेत्रतर्फ १०१ जनाको आवेदन परेको आयोगले जनाएको छ ।

आवेदनमार्फत ७ करोड ९५ लाख ६६ हजार ८ सय रुपैयाँ राजस्व संकलन भएको लोकसेवाले जानकारी दिएको छ ।

आयोगले गरेको विज्ञापन समावेशी नभएको भन्दै संसद्को राज्य व्यवस्था तथा सुशासन समितिले विज्ञापन रद्द गरी समावेशिताका आधारमा अर्को विज्ञापन आह्वान गर्न र करारमा कर्मचारी भर्ना गर्न निर्देशन दिएको थियो ।

मुद्धा विचाराधीन रहेकाले यसको अन्तिम फैसलाले ४ लाखको संख्यामा आवेदन दिएका आवेदकको भविष्य निर्धारण गर्नेछ ।

Comments

comments

Tags

Now Get KathmanduPati App on your mobiles.

Android AppiOS App
ad

धेरै पढिएको समाचार

Vianet
Civil
Shivam Cement
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android AppiOS App
Scroll to Top