काठमाण्डु– लगातारको वर्षापछि शनिबार दिउँसोदेखि काठमाण्डु उपत्यकासहित देशका विभिन्न स्थानमा मौसम खुल्न थालेको छ ।

शुक्रबार देखि वर्षा हुँदा प्रभावित बनेको जनजीवन मौसममा सुधार आएसँगै क्रमशः सामान्य बन्दै गएको छ ।

भारतको बंगालको खाडीमा विकसित चक्रवात ‘अर्नब’ को प्रभावका कारण काठमाण्डु उपत्यकासहित देशका अधिकांश स्थानमा बिहीबारदेखि वर्षा भएको थियो ।

वर्षाका कारण सडक तथा बजार क्षेत्रमा आवतजावत गर्ने सर्वसाधारण प्रभावित भएका थिए ।

शनिबार दिउँसो वर्षा कम भएसँगै उपत्यकाको आकाश खुल्न थालेको छ । सडकमा सवारीसाधनको आवागमन बढेको छ भने बजार तथा सार्वजनिक स्थानमा पनि चहलपहल देखिन थालेको छ ।