उपराष्ट्रपति पुनसँग मोरक्कोका राजदूत मल्लिकद्वारा भेट
काठमाडाैँ-उपराष्ट्रपति नन्दबहादुर पुनसँग नेपालका लागि मोरक्कोका राजदूत मोहम्मद मल्लिकले शिष्टाचार भेट गरेका छन्। शुक्रबार उपराष्ट्रपति भवन हरितगृहमा भएको भेटमा दुई देशबीचको सम्बन्ध र सहकार्यका विविध पक्षबारे कुराकानी भएको थियो ।
भेटमा उपराष्ट्रपति पुनले नेपाल र मोरक्कोबीच औपचारिक सम्बन्ध स्थापना भएको ४४ वर्ष पुगेको र दुई देशबीचको सम्बन्ध प्रगाढ बन्दै आएको बताए। उनले नेपाल र मोरक्कोबीचको सम्बन्धलाई जनस्तरसम्म फैलाएर आपसी सहयोग र सहकार्यलाई फराकिलो बनाउनुपर्ने बताए। सो अवसरमा मोरक्कोका राजदूत मल्लिकले नेपाल भ्रमण वर्ष सन् २०२० को सफलताको कामना गर्दै सो अवसरमा मोरक्कोका नागरिकलाई नेपाल भ्रमण गर्न आफूले सहजीकरण गर्ने बताए।