नेकपालाई फुट र बिसर्जनको खतराबाट जोगाउनुपर्छः प्रवक्ता श्रेष्ठ
काठमाडौं – नेपाल कम्युनिस्ट पार्टी (नेकपा)का प्रवक्ता नारायणकाजी श्रेष्ठले पार्टीलाई बिसर्जनको खतराबाट जोगाउनुपर्ने बताएका छन् । नेकपाभित्र लामो समयदेखि विवाद चर्किँदै आएको छ ।
बिहीबार सामाजिक सञ्जालमार्फत प्रवक्ता श्रेष्ठले पार्टीलाई फुटबाट बचाउनका लागि जे गर्न पनि तयार हुनुपर्ने बताए ।
पार्टीलाई एक राख्नका लागि तत्कालीन कांग्रेसका सर्वोच्च नेताहरुले पार्टी त्याग गरेको प्रसंग उल्लेख गर्दै प्रवक्ता श्रेष्ठले फुटबाट पार्टी बचाउनका लागि गरिएको त्यागको उत्कर्ष भएको बताएका छन् ।
‘गणेशमानजी र किसुनजीले नेका एक राख्न पार्टी परित्यागसम्म गर्नुभयो।त्यो कदम ठीक थियो कि थिएन, बहस होला । तर, पार्टी बचाउन गरिएको त्यागको उत्कर्ष हो त्यो’, उनले भनेका छन्, ‘हामी पनि हाम्रो पार्टी लाई बचाउन जे गर्न पनि तयार हुनुपर्छ । तर पार्टी लाई फुटबाट मात्र होइन, बिसर्जनको खतराबाट पनि जोगाउनुपर्छ ।’
गणेशमानजी र किसुनजीले नेका एक राख्न पार्टी परित्याग सम्म गर्नुभयो।त्यो कदम ठीक थियो कि थिएन,बहस होला।तर पार्टी बचाउन गरिएको त्यागको उत्कर्ष हो त्यो।हामी पनि हाम्रो पार्टी लाई बचाउन जे गर्न पनि तयार हुनुपर्छ। तर पार्टी लाई फुटबाट मात्र होइन,बिसर्जनको खतराबाट पनि जोगाउनु पर्छ।+
— NKShresthaPrakash (@nksthaprakash) May 7, 2020
