नीति तथा कार्यक्रमबारे महत्वपूर्ण सुझाव दिँदै नेकपा सचिवालय बैठक सम्पन्न
काठमाडौं – नेपाल कम्युनिष्ट पार्टी (नेकपा) को सचिवालय बैठक सम्पन्न भएको छ ।
सरकारको नीति तथा कार्यक्रमबारे छलफल गर्न प्रधानमन्त्री निवास बालुवाटारमा बसेको बैठक सम्पन्न भएको हो । राष्ट्रपतिले आज संसदमा सरकारको नीति तथा कार्यक्रम प्रस्तुत गर्दैछिन् ।
प्रधानमन्त्री ओलीले नीति तथा कार्यक्रममा सुझाव लिनका लागि सचिवालय बैठक डाकेका थिए ।
प्रधानमन्त्रीले नीति तथा कार्यक्रमका लागि सुझाव दिन आग्रह गरेको नेकपा प्रवक्ता नारायणकाजी श्रेष्ठले जानकारी दिए । बैठकमा सरकारलाई नीतिक तथा कार्यक्रमबारे महत्वपूर्ण सुझाव दिएको नेता श्रेष्ठले बताए ।
सरकारका नीति तथा कार्यक्रम आज दिउँसो ४ बजे संसदमा प्रस्तुत हुँदैछ ।
