नेकपा नेतृ शान्ता चौधरी कक्षा ११ मा भर्ना, कुन क्याम्पसमा पढ्दैछिन् ?
काठमाडौं – सत्तारुढ दल नेपाल कम्युनिस्ट पार्टी (नेकपा) नेतृ तथा प्रतिनिधिसभा सदस्य शान्ता चौधरी कक्षा ११ मा भर्ना भएकी छिन् ।
यस वर्षको माध्यमिक शिक्षा परिक्षा (एसईईमा) उत्तीर्ण भएपछि उनी बानेश्वरस्थित रत्नराज्य माध्यमिक विद्यालयमा कक्षा ११ मा भर्ना भएकी हुन् ।
कक्षा ११ मा भर्ना हुनका लागि शान्ता शुक्रबार विहान १० बजे नै रत्नराज्य मावि पुगेकी थिइन् । ११ कक्षामा भर्ना भएकी शान्ताले आफ्नो कक्षगत रोल नम्बर ६२ रहेको जनाएकी छन् ।
शान्तासँगै दाङकै निलम थापाले पनि रत्नराज्य माविमा कक्षा ११ मा भर्ना गराएकी छन् । निलमको सम्पूर्ण पढाइ खर्च आफूले नै व्यहोर्ने शान्ताले जनाएकी छन् ।
