पत्रपत्रिका

यसरी मनाउदैछ नेकपाले जनयुद्ध दिवस

काठमाडौं – प्रमुख सत्तारुढ दल नेकपाले जनयुद्ध दिवस मनाउने भएको छ । महासचिव विष्णु पौडेलले सर्कुलर जारी गरी जनयुद्ध र जनआन्दोलनका सहिदको सम्मानमा १ फागुनमा देशभर कार्यक्रम गर्न निर्देशन दिएका छन् । पार्टी केन्द्रीय कार्यालय धुम्बाराहीमा अध्यक्षद्वय केपी शर्मा ओली र पुष्पकमल दाहाल ‘प्रचण्ड’सहित शीर्ष नेताहरूको उपस्थितिमा श्रद्धाञ्जली कार्यक्रम हुने भएको छ ।

dish home

प्रवक्ता नारायणकाजी श्रेष्ठका अनुसार जनयुद्ध सुरु भएको दिन १ फागुनको सम्झनामा जनयुद्ध र जनआन्दोलनका सहिदको सम्मानमा नेकपाले पहिलोपटक कार्यक्रम राखेको हो । यसअघि तत्कालीन माओवादी घटक दलहरूले हरेक वर्ष १ फागुनमा आ–आफ्नै तरिकाले जनयुद्ध दिवस मनाउँदै आएका थिए ।

विभाजित माओवादीले पनि जनयुद्ध दिवस मनाउने

माओवादीबाट विभाजित पार्टीहरूले पनि १ फागुनमा जनयुद्ध दिवस मनाउने भएका छन् । मोहन वैद्य किरण नेतृत्वको क्रान्तिकारी माओवादीले केन्द्रमा शान्तिबाटिकामा कार्यक्रम आयोजना गरेको छ । नेत्रविक्रम चन्द विप्लव नेतृत्वको नेकपाले पनि शान्तिबाटिकामै जनयुद्ध दिवस मनाउने भएको छ ।

गोपाल किरातीले पुनर्गठन गरेको माओवादी केन्द्रले जनयुद्ध दिवस प्रज्ञा भवनमा मनाउने भएको छ । पार्टीको सातौँ महाधिवेशनको उद्घाटनसँगै जनयुद्ध दिवस मनाउने तयारी केन्द्रको छ । विश्वभक्त दुलाल आहुती नेतृत्वको नयाँ वैज्ञानिक समाजवादी कम्युनिस्ट पार्टी नेपालले भने जनयुद्ध दिवसबारे निर्णय गरिसकेको छैन ।

नयाँ शक्तिले जनयुद्ध दिवस नमनाउने
डा. बाबुराम भट्टराई नेतृत्वको नयाँ शक्ति नेपालले भने जनयुद्ध दिवस नमनाउने भएको छ । भट्टराईले तत्कालीन एकीकृत माओवादी छोडेर नयाँ शक्ति गठन गरेका थिए । माओवादी रहँदा जनयुद्धको मुख्य योजनाकार आफू भएको दाबी भट्टराईले गर्दै आएका थिए । जनयुद्धको क्रममा उनी तत्कालीन नेकपा माओवादीमा तेस्रो वरीयताका नेता थिए ।याे समाचार अाजकाे नयांपत्रिका दैनिकमा छ ।

Comments

comments

Now Get KathmanduPati App on your mobiles.

Android AppiOS App
ad

धेरै पढिएको समाचार

Vianet
Civil
Shivam Cement
NEA
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android AppiOS App
Scroll to Top