नेपाल प्रहरीका १०३ प्राविधिक हवल्दारकाे असईमा बढुवा (सूचीसहित)


काठमाण्डु – प्रहरी प्रधान कार्यालय नक्सालले प्रहरी हवल्दारबाट प्रहरी सहायक निरिक्षक (असई)मा बढुवा सिफारिस गरेको छ । नेपाल प्रहरीका जनपद तर्फका १ सय ३ प्रहरी हवल्दार प्रहरी सहायक निरिक्षक (असई)मा बढुवा भएका हुन् ।

प्रहरी अतिरित्त महानिरीक्षक स्तरीय निर्णयबाट माघ २३ गते प्राविधि प्रहरी समूह अन्तर्गत ईन्जिनियरिङ उप–समूह, सञ्चारतर्फको प्रहरी हवल्दारको बढुवा भएको हो । त्यसै दिनको बैठकले बढुवासँगै पदस्थापन पनि गरेको छ ।

बढुवा भएकालाई प्रचलित नियमानुसार तलव, भत्ता तथा राशन समेत अहिले दरवन्दीबाट खान पाउने गरी पदस्थापन गरिएको प्रहरी प्रधान कार्यालयले जनाएको छ । बढुवा भइ पदस्थापन भएको प्रहरी सहायक निरिक्षक (असई) लाई दर्ज्यानी चिह्न प्रदान गर्न भने बाँकी छ ।

माघ २३ गतेकै प्रहरी अतिरित्त महानिरीक्षक स्तरीय निर्णयबाट ८८ जना प्रहरी सहायक निरिक्षकको सरुवा पनि भएको छ ।

प्रतिक्रिया दिनुहोस
Advertisement