काठमाण्डु- जापानमा जारी एसियन गेम्स पुरुष क्रिकेटमा श्रीलंकासँगको क्वाटरफाइनल खेल वर्षाका कारण रद्द भएको छ ।

पौने ६ बजेदेखि हुने भनिएको खेल वर्षाका कारण नहुने भएपछि नेपाली क्रिकेट टीम क्वाटरफाइनलबाटै बाहिरिएको हो ।

जापानको नागोयाको कोरोगी स्पोर्टस पार्कमा वर्षा भएपछि टस समेत हुन नपाएपछि वरीयताका आधारमा श्रीलंका सेमिफाइनलमा पुगेको छ ।

यसअघि नेपाल र जापानबीच शनिबार भएको समूहचरणको खेल पनि वर्षाले पूरा हुन पाएको थिएन ।

सेमिफाइनलमा श्रीलंका र भारत भिड्नेछन् ।

अन्तिम क्वाटरफाइनलमा आजै मलेसिया र बंगलादेशबीच खेल हुने तय छ ।