भारतविरुद्ध नेपालको शानदार जितमा रेखा नायक
काठमाडौं– थाइल्याण्डमा जारी एएफसी यू १९ च्याम्पियनसिप छनोट अन्तर्गत शुक्रबारको खेलमा नेपालले भारतलाई पराजित गरेको छ।
थाइल्याण्डस्थित चोनबुरी रंगशालामा भएको खेलमा नेपालले भारतलाई २–० गोलले हराएको हो। खेलमा रेखा पौडेल एक्लैले दुई गोल गरेकी हुन्।
उनले दोस्रो हाफको ५९ औं मिनेटमा पहिलो गोल गर्दै नेपाललाई अग्रता दिलाएकोमा खेलको अन्तिम २ मिनेटमा दोस्रो गोल गर्दै जित निश्चित गरिन्।
यो जितसँगै नेपाल अंक तालिकाको तेस्रो स्थानमा छ।
