काठमाण्डु – नेपाली कांग्रेसको कोषाध्यक्षमा उमेश श्रेष्ठ नियुक्त भएका छन् । कांग्रेस सभापति गगनकुमार थापा श्रेष्ठलाई कोषाध्यक्षमा मनोनित गरेका छन् ।

पार्टी विधानको धारा २१ को उपधारा ९४० श्रेष्ठलाई केन्द्रीय कार्यसमितिको कोषाध्यक्ष पदमा मनोनयन गरेको कांग्रेसद्वारा जारी विज्ञप्तिमा उल्लेख छ ।

श्रेष्ठ यसअघि शेरबहादुर देउवा सभापति रहेका बेला पनि कोषाध्यक्ष बनेका थिए । देउवाले २०७२ सालमा उनलाई कोषाध्यक्ष नियुक्त गर्दै पार्टीको आर्थिक जिम्मेवारी दिएका थिए ।

लामो समय निजी क्षेत्र र शिक्षाक्षेत्रमा सक्रिय रहेका श्रेष्ठ कांग्रेसभित्र आर्थिक स्रोत व्यवस्थापनमा प्रभावशाली नेताका रूपमा चिनिन्छन् ।

पार्टीको १५औं महाधिवेशनपछि कांग्रेसभित्र नयाँ नेतृत्व र पुरानो अनुभवबीच सन्तुलन मिलाउने प्रयास भइरहेका बेला थापाले श्रेष्ठलाई पुनः कोषाध्यक्ष बनाएका हुन् ।