सैनिक-नागरिक सम्बन्धका कार्यक्रम कार्यान्वयनलाई तीव्रता दिँदै नेपाली सेना
काठमाण्डु – जनताले छिटो लाभ प्राप्त गर्ने तथा सैनिक नागरिक सम्बन्धमा कोसेढुङ्गा सावित हुने कार्यक्रम कार्यान्वयनलाई पछिल्लो समय नेपाली सेनाले तीव्रता दिँदै आएको छ ।
स्थानीय आवश्यकता पहिचान गरी विकास, निर्माण र सामाजिक सेवाका कार्यक्रममार्फत सैनिक–नागरिक सम्बन्ध विस्तार गर्ने उद्देश्यले थोरै बजेटमा धेरै जनता लाभान्वित हुने कार्यक्रमलाई सेनाले प्राथमिकतामा राखेको हाे ।
साेहि क्रममा गरुडदल गणद्वारा रुपन्देही जिल्लाको मर्चवारी गा.पा.-५ महुवारी ईलाकामा व्यवस्थित हाट बजारको लागि निर्मित ट्रष्टघर नं.२२ बाहिनी अड्डाको बाहिनी अड्डाका बाहिनीपति सुदर्शन सिलवालले साेमबार गाउँपालिका अध्यक्ष केशव नन्द बाँनियालाई हस्तान्तरण गरेका छन्
।
उक्त कार्यक्रममा प्रमुख जिल्ला अधिकारी पिताम्बर घिमिरे, गाउँपालिका अध्यक्ष, जिल्ला सुरक्षा समितिका पदाधिकारीहरु, जनप्रतिनिधिहरु, स्थानीय एवम पत्रकारको उपस्थिती रहेको थियो ।
उक्त कार्यक्रमको दौरान उल्लेखित ट्रष्टघर निर्माण कार्यमा सहयोग पुर्याउनु हुने मर्चवारी गाउँपालिकाका अध्यक्ष, वडा नं.५ का वडा अध्यक्ष, गाउँपालिका कार्यालय र वडा नं.५ कार्यालयलाई प्रशंसापत्र समेत प्रदान गरिएको थियो ।
उक्त कार्यक्रमलाई सम्बोधन गर्ने क्रममा गाउँपालिका अध्यक्ष बाँनियाले नेपाली सेनाको यस प्रकारको सहयोगका लागि धन्यवाद ज्ञापन गर्दैँ आगामी दिनहरुमा समेत यस्तै सहयोग र सहकार्यको अपेक्षा समेत रहेको धारणा व्यक्त गरेका थिए ।
उक्त निर्माणबाट करिब ४,००० स्थानीय व्यक्ति लाभान्वित हुने अपेक्षा गरिएको छ । नेपाली सेना सिमितसाधन स्रोतको बाबजुद स्थानीय जनताको आवश्यकता पुरा गर्न सदैव प्रयत्नशिल रहेको नेपाली सेनाले जनाएकाे छ ।
