नेपाली सेनामा खुल्यो साढे ३ हजार जनालाई जागिर
काठमाण्डु – नेपाली सेनाले विभिन्न पदमा साढे ३ हजार जनाका लागि दरखास्त आह्वान गरेको छ ।
देशका विभिन्न ब्यारेकहरूमा पदपूर्ती गर्नका लागि भर्ना छनोट निर्देशनालय, जंगी अड्डाले शुक्रबार सूचना प्रकाशन गर्दै सैन्य पदमा ३ हजार र सुचिकार,सफाईकर्मी,चर्मकर्मी,लोहाकार,केशकर्तक,माली लगायतका पदमा ४१३ जना कर्माचारी माग गरेको हो ।
इच्छुक र योग्यता पुगेका व्यक्तिहरूले पुस ७ गतेसम्म सेनाको आधिकारी वेबसाइटबाट अनलाईन दरखास्त दिन सक्नेछन् । ट्रेडका फलोअर्स पदहरूको हकमा भने उम्मेदवार स्वयं भर्ना केन्द्रमा उपस्थित भई दरखास्त फाराम भरी दरखास्त पेस गर्नुपर्नेछ ।
