एनआइसी एशिया बैंकको दोस्रो त्रैमासिक वित्तीय विवरणका अधिकांश परिसूचक उत्साहजनक
काठमाडौं – एनआइसी एशिया बैकले चालु आव २०७५-७६ को दोस्रो त्रैमासको अपरिस्कृत वित्तीय विवरण मिति २०७५ माघ २ गते सार्वजनिक गरेको छ ।
उक्त वित्तीय विवरणका परिसूचकहरु अत्यन्त उत्साहजनक रहेका छन् । बैंकले चालु आर्थिक वर्षको दोस्रो त्रैमाससम्म वार्षिक विन्दुगत आधारमा १७२ प्रतिशत १ अर्ब ३५ करोडले वृद्धि गरी २ अर्ब १४ करोडको सञ्चालन मुनाफा आर्जन गर्न सफल भएको छ त्यस्तै गरी खुद मुनाफा तर्फ वार्षिक विन्दुगत आधारमा १६४ प्रतिशत ९४ करोड को वृद्धि सहित १ अर्ब ५१ करोडको खुद मुनाफा आर्जन गर्न सफल भएको छ ।
गत वर्षको सोही अवधिको खुद मुनाफा ५७.१८ करोड रहेको थियो । बैकले वार्षिक विन्दुगत आधारमा ५३ प्रतिशत ७४ अर्बको वृद्धि गरी वासालातको आकार २१४ अर्ब पु¥याउन सफल भएको छ । जस अन्तर्गत कर्जा तर्फ वार्षिक विन्दुगत आधारमा ४८ प्रतिशत ४८ अर्बको वृद्धि गरी १४९.३ अर्ब र निक्षेप संकलन तर्फ वार्षिक विन्दुगत आधारमा ४६ प्रतिशत ५५ अर्बको वृद्धि गरी १७५.७६ अर्ब पु¥याउन सफल भएको छ ।
उक्त वृद्धि नेपाली बैकिङ्ग ईतिहासमा कुनै पनि बैकले वार्षिक विन्दुगत आधारमा हासिल गरेको वृद्धिका हिसाबले हाल सम्मकै उच्च वृद्धि हो । बैंकलाई आम जनमानसले गरेको प्रगाढ विश्वास, अगाध स्नेह र बैंक प्रतिको भरोसाले गर्दा मुलुकभर २७५ शाखा कार्यालयहरु, २८९ एटिएम, ३७ वटा एक्सटेन्सन काउण्टर एवं २३ वटा शाखा रहित बैंकिङ्ग ईकाई मार्फत बैंकिङ्ग सेवा प्रदान गर्ने मुलुककै सबैभन्दा ठूलो शाखा सञ्जाल भएको बैंक हुन सफल भएको छ ।
हालसम्म यस बैंकमा ग्राहकको संख्या करिब १४ लाख ५० हजार रहेको छ । साथै संस्थागत सुशासन, जोखिम व्यवस्थापन र आन्तरिक नियन्त्रण प्रणालीको उत्कृष्ट अभ्यासलाई यस बैंकले परिपालना गर्दै आएको छ ।
