काठमाण्डु –नेपाल क्रिकेट संघको आयोजना नेपाल प्रिमियर लिग आजबाट सुरु भएको छ ।प्रतियोगिताको उद्घाटन खेलमा आज विराटनगर किंग्स् र जनकपुर रोयल्सबीचको खेल कीर्तिपुरस्थित त्रिवि क्रिकेट मैदानमा सुरु भएको हो ।

जनकपुरले टस जितेको छ। जनकपुरले टस जितेर बलिङ रोजेपछि विराटनगरले पहिले ब्याटिङ गर्ने भएको हो। जनकपुर अनिल शाह र विराटनगर सन्दीप लामिछानेको कप्तानीमा छन्।

एनपीएलको विजेताले एक करोड ११ लाख रुपैयाँ पाउने भएको छ । उपविजेताले ५० लाख रुपैयाँ पाउनेछ । प्रतियोगिताको तेस्रो हुने टिमले ३० लाख र चौथो हुने टिमले २० लाख रुपैयाँ पाउनेछ ।