पाकिस्तानका पूर्व प्रधानमन्त्री नवाज शरिफ पक्राउ

काठमाडौं– पाकिस्तानका पूर्व प्रधानमन्त्री नवाज शरिफ पक्राउ परेका छन् । उनलाई भ्रष्टाचार मुद्दामा जेल सजाय सुनाइएको थियो । शरिफसंगै उनकी छोरी मरियमलाई समेत सुरक्षाकर्मीले गिरफ्तार गरेको अन्र्तराष्ट्रिय संचारमाध्यमले जनाएका छन् ।

पुर्व प्रधानमन्त्री शरिफ र उनकी छोरी मारियमलाई पाकिस्तानको नेशनल अडियाला जेलमा राखिएको छ । उनि श्रीमतीको उपचारका लागी बेलायतमा रहेका बेला उनको विपक्षमा फैसला भएको थियो ।

गत ६ जुलाईमा भएको भ्रष्टाचारसम्बन्धी एउटा मुद्दामा शरिफलाई १० र उनकी छोरी मरियमलाई सात वर्ष जेल सजाय सुनाइएको थियो ।

उनको पक्राउको विरोधमा पाकिस्तानमा ब्यापक विरोध भएको छ । २५ जुलाईमा हुन लागेको निर्वाचनको पूर्व सन्ध्यामा शरिफलाई पक्राउ गरिएको भन्दै उनका समर्थकहरुले पाकिस्तानका विभिन्न शहरमा प्रर्दशन सुरु गरेका छन् ।