काठमाण्डु – उज्यालो नेपाल पार्टी र राष्ट्रिय परिवर्तन पार्टी (युनाईटेड जेनजी) बिच एकता भएको छ ।

बिहीबार एक कार्यक्रमबिच उज्यालो नेपाल पार्टीका अध्यक्ष कुलमान घिसिङ र राष्ट्रिय परिवर्तन पार्टीका अध्यक्ष राजेश पोर्तेलले सहमति पत्रमा हस्ताक्षर गरेका हुन् ।

पार्टीका एकता कार्यक्रममा बोल्दै अध्यक्ष घिसिङले उज्यालो नेपाल पार्टी जेनजी आन्दोलनपछि उदाएको सबैभन्दा नयाँ पार्टी भएको दाबी गरे ।

जेनजी आन्दोलनले जन्माएको राष्ट्रिय परिवर्तन र उज्यालो पार्टी एकता भएको जानकारी गराउँदै उनले अब उज्यालो पार्टी नयाँ शक्तिको रूपमा उदाएको बताए ।

उनले भने, ‘उज्यालो नेपाल पार्टी जेनजी आन्दोलनपछि उदाएको सबैभन्दा नयाँ पार्टी हो । यो आन्दोलनले जन्माएको पार्टी हो । यससँगै राष्ट्रिय परिवर्तन पार्टी पनि नयाँ पार्टी हो । यी आन्दोलनले जन्माएको २ नयाँ पार्टी मर्ज भएको छ । यो उज्यालो पार्टी नै नयाँ शक्तिको रूपमा उदाएको छ ।’

उनले जेनजीहरूको भावना र मागलाई सम्बोधन गर्ने नयाँ जोशका साथ आफू अगाडि बढ्ने प्रतिबद्धता जनाएका छन् ।