ब्रेकिंग न्युज समाचार

पठाओको ट्याक्सी सेवाले भाडामा हुने लुट नियन्त्रणदेखि प्रविधिको सदुपयोग

काठमाडौं – आवतजावतका लागि मान्छेलाई चाहिने साधनमध्ये ट्याक्सी सेवा काठमाडौंमा प्रचलनमा रहेको साधन हो । सार्वजनिक सवारीसाधनको सहज उपलब्धता नभएका कारण ट्याक्सीको प्रयोग काठमाडौंमा सहजताको साधन रहेको छ ।

dish home

ट्याक्सी सेवा सहज भएपनि यसको भाडा भने असहज छ । सरकारले भाडा नियन्त्रण गर्न निश्चित शुल्क तोकेको भएपनि त्यसलाई ट्याक्सी धनी मान्दैनन्, मिटरका आधारमा शुल्क निर्धारण गर्ने गरी सेवा दिन मान्दैनन् ।

सरकारदेखि सेवाग्राहीसम्मका लागि ट्याक्सीको भाडा लुट टाउको दुखाइको विषय बनेको छ । सरकारी संयन्त्रले प्रभावकारी नियमन गर्न नसकिरहेको बेला अब भाडादरलाई सेवाग्राहीमैत्री बनाउने गरी प्रविधिले काम गर्र्ने भएको छ ।

पठाओको एपमार्फत् ट्याक्सी र यात्रु सम्पर्कमा आउने र तोकिएको भाडा मात्रै लिने व्यवस्था कार्यान्वयन हुने देखिएको छ । यसअघि मोटरसाइकलबाट यात्रु ओसार्ने सेवा दिएको पठाओमा तोकिएको भाडादर कार्यान्वयनमा थियो । प्रविधिको प्रयोगसँगै ट्याक्सी चालकलाई यात्रु मिल्ने छन् भने यात्रुले जायज भाडा मात्रै तिर्नुपर्ने छ ।

पठाओले भोलि शुक्रबारदेखि ट्याक्सी सेवा समेत शुरू गर्ने भएको छ । राइड शेयर कम्पनी पठाओका रिजनल डाइरेक्टर अशिममान सिंह बस्न्यातले आगामी शुक्रबारदेखि ट्याक्सी सेवा शुरू गर्न लागिएको बताए । उनका अनुसार हालसम्म १ सय ५० ट्याक्सीले पठाओमा आवद्ध हुनको लागि निवेदन दिइसकेका छन् ।

यसअघि पठाओले मोटरसाइकलबाट सेवा दिँदै आएको थियो । हालसम्म पठाओको एप ५ लाख मोबाइलमा डाउनलोड भइसकेको बस्न्यातले जानकारी दिए । पठाओले सामाजिक सञ्जालमार्फत ग्राहकसँग सेवा सुचारु गर्नको लागि सुझाव मागेको थियो । पठाओका अधिकांश ग्राहकले ट्याक्सी सेवा सुचारु गर्न सुझाव दिएका थिए ।

कुनै औपचारिक प्रणाली बिना सम्पर्क आउने ट्याक्सी चालक र यात्रुबीच भाडादरको विषयमा विवाद समेत हुने गरेको छ । एपमार्फत् दुवै पक्षबीच सम्पर्क हुने भएकाले अब तोकिएको भाडादरमै कारोबार हुने अपेक्षा गरिएको छ । पठाओको ट्याक्सी सेवाको लागि १ सय रुपैयाँ सेवा शुल्क लाग्ने पठाओले जनाएको छ । त्यसपछि यात्रुले नेपाल सरकारले तोकेबमोजिम भाडा तिर्नुपर्ने छ । सेवा शुल्कको पैसा तिरेपछि यात्रुले जुनसुकै ठाउँमा एपमार्फत् ट्याक्सीलाई बोलाउन सक्नेछन् ।

पठाओ सञ्जालमा आवद्ध हुन सार्वजनिक ट्याक्सीले आवश्यक कागजात पठाओलाई बुझाउनुपर्ने हुन्छ । आवद्ध भएपछि पठाओले तालिम समेत दिनेछ । पहिलो चरणमा पठाओमा आवद्ध हुन आएका ट्याक्सी चालकलाई तालिम समेत दिएको छ । पठाओ एपमा गएर ट्याक्सी विकल्प छानेर सेवा लिन सकिने कम्पनीले जनाएको छ ।

यात्रुबाट तोकिएकोभन्दा बढी भाडा लिएमा पठाओमै उजुरी गर्न सकिने व्यवस्था समेत छ । कुन यात्रुलाई सेवा दिन कुन ट्याक्सीले स्वीकार गरेको भन्ने रेकर्ड एममा सुरक्षित र त्यो ट्याक्सीको कागजात पठाओसँग हुने भएकाले गडबडी गर्नेलाई सहजै कानूनी दायरामा ल्याउन सकिने जनाइएको छ । यात्रुले सडकमै गएर ट्याक्सी खोज्नु र बोलाउनुभन्दा एपमार्फत् घर वा कार्यालयमै रहेर ट्याक्सीसँग सम्पर्क गर्न सकिने छ ।

नेपालमा पछिल्लो समय राइड शेयर कम्पनी पठाओ निकै चर्चित भएको छ । पठाओको सञ्जालमा थुप्रै युवाले रोजगारी समेत पाइरहेका छन् । सरकारले समेत एपमार्फत हुने व्यवसायलाई संरक्षण दिने गरेको छ । केही महिनाअघि मोटरसाइकलमा यात्रु बोक्ने विषयमा विवाद भएपनि सरकारले युवाको सिर्जनात्मक कामलाई संरक्षण दिनुपर्ने भन्दै कारवाही प्रक्रिया अगाडि बढाएको थिएन ।

Comments

comments

Tags

Now Get KathmanduPati App on your mobiles.

Android AppiOS App
ad

धेरै पढिएको समाचार

Vianet
Civil
Shivam Cement
NEA
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android AppiOS App
Scroll to Top