धादिङमा कटुवा पेस्तोल बरामद
धादिङ – जिल्लाको थाक्रे गाउँपालिका–२ कार्की टोल बस्ने ३१ वर्षीय रञ्जन बानियाको गोठको छानोमा लुकाई राखेको एकनाले कटुवा पेस्तोल आईतबार दिउँसो प्रहरीले बरामद गरेको छ ।
अस्थायी प्रहरी पोष्ट सिम्ले र ईलाका प्रहरी कार्यालय गजुरीबाट खटिएको संयुक्त टोलीले पेस्तोल फेला पारी बरामद गरेको हो ।
हाल फरार रञ्जनको खोजी गर्नुका साथै प्रहरीले आवश्यक अनुसन्धान गरिरहेको जनाइएको छ ।
