ब्रेकिंग न्युज

लुक्ला विमान दुर्घटना : मृतकको संख्या ३ पुग्यो

सोलुखुम्बु – तेञ्जिङ हिलारी विमानस्थल लुक्लामा समिट एयरको विमान हेलिकप्टरसँग ठोक्किँदा ३ जनाको मृत्यु भएको छ । २ जनाको घटनास्थलमै मृत्यु भएको हो भने एक जनाको उपचारको लागि काठमाडौं ल्याउँदा मृत्यु भएको हो ।

समिट एयरका को–पाइलट सुदीप ढुंगाना र पर्यटक प्रहरी असई रामबहादुर खड्काको घटनास्थलमै मृत्यु भइसकेको थियो । अर्का असई रुद्रबहादुर श्रेष्ठको काठमाडौं ल्याउने क्रममा मृत्यु भएको प्रहरीले जनाएको छ ।

जहाजमा चालकदलबाहेक यात्रु भने थिएनन् । हेलिकप्टर दुर्घटनामा अन्य ३ जना गम्भीर घाइते भएका छन् ।

दुर्घटनामा समिट एयरका क्याप्टेन आरबी रोकाया, मनाङ एयरको क्याप्टेन घाइते छन् । उनीहरुलाई उपचारको लागि हेलिकोप्टरमार्फत काठमाडौं ल्याइएको छ ।

दुर्घटनामा समिट एयरकी एयर होस्टेस आर. लामा र ४ यात्रुको अवस्था भने सकुशल रहेको छ ।

लुक्लाबाट काठमाडौं आउनका लागि समिट एयरको जहाजले टेकअप लिन खोज्दा धावनमार्गमा चिप्लिएर लुक्ला विमानस्थलमा पार्किङमा रहेको मनाङ एयरको हेलिकप्टरसँग ठोक्किएको थियो ।

Comments

comments

Now Get KathmanduPati App on your mobiles.

Android AppiOS App
ad

धेरै पढिएको समाचार

Vianet
Civil
Shivam Cement
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android AppiOS App
Scroll to Top