कुटनीति ब्रेकिंग न्युज

गोर्खा सैन्य भर्ती सम्बन्धी भएको त्रिपक्षीय सन्धिको पुनरावलोकन गर्न प्रधानमन्त्री ओलीको प्रस्ताव

काठमाडौं– बेलायत भ्रमण रहेका प्रधानमन्त्री केपी शर्मा ओलीले ब्रिटिश समकक्षी टरिजा मेसंग भेटवार्ता गरेका छन् । बेलायती प्रधानमन्त्रीको कार्यालय टेज डाउनिंग स्ट्रीटमा भएको भेटवार्तामा प्रधानमन्त्री ओलीले गोर्खा सैन्य भर्ती सम्बन्धी नेपाल, भारत र ब्रिटेनबीच भएको त्रिपक्षीय सन्धिको व्यापक पुनरावलोकन गर्नुपर्ने प्रस्ताव राखेका छन् ।

dish home

प्रधानमन्त्रीका प्रेस सल्लाहकार कुन्दन अर्यालले सन् १९४७ मा ब्रिटेन, भारत तथा नेपालबीच भएको त्रिपक्षीय सन्धियता परिस्थिति निकै बदलिइसकेकाले प्रधानमन्त्री ओलीले त्यसको पुनरावलोकन गर्नुपर्ने प्रस्ताव राखेको बताए ।

उनले गोर्खा सैनिकहरुका माग पुरा गरेकोमा ब्रिटिस सरकारलाई धन्यवाद दिंदै उनीहरुका थप मागप्रति ध्यान दिन समेत आग्रह गरेका थिए । प्रधानमन्त्री ओलीले बेलायतको सुरक्षामा गोर्खा सैनिकहरुले ठुलो योगदान पुर्याएको धारणा राखेका थिए । नेपालको विकासमा बेलायत सरकारले पुर्याएको सहयोगप्रती प्रधानमन्त्री ओलीले धन्यवाद दिएका थिए ।

जवाफमा प्रधानमन्त्री मेले ब्रिटिश गोर्खा सैनिकहरूको ऐतिहासिक योगदानको प्रशंसा गर्दै यो विषयलाई गम्भिरतापुर्वक लिएको र आफ्ना उत्तराधिकारीलाई पनि सचेत गराउने जानकारी दिईन ।

बेलायती प्रधानमन्त्री मेसंगको भेटपछि प्रधानमन्त्री ओलीले मंगलवार बिहान लन्डनस्थित नेपाली दूतावासमा भूतपूर्व गोर्खा सैनिकका विभिन्न संस्थाका अगुवाहरूलाई भेटेका थिए।

त्यसैगरी प्रधानमन्त्री ओली र राजकुमार ह्यारीबीच समेत भेटवार्ता भएको छ । लन्डनस्थित नेपाली दूतावास नजिकै रहेको केन्सिङ्गटन प्यालेसमा गएर प्रधानमन्त्री ओलीले राजकुमार ह्यारीलाई भेटेका हुन् ।

प्रधानमन्त्री ओली स्वीट्जरल्याण्डको जेनेभामा अन्तर्रा्ष्ट्रिय श्रम संगठन (आईएलओ) स्थापनाको सय वर्ष पुगेको अवसरमा आयोजित विशेष समारोहलाई सम्बोधन गरी सोमवार लन्डन पुगेका थिए ।

प्रधानमन्त्री ओली बुधबार नै भूमिगत रेल चढेर उनि लण्डनबाट फ्रान्सको प्यारिश जांदैछन्। फ्रान्सको भ्रमण सकेर प्रधानमन्त्रीको प्रतिनिधी मण्डल आगामी आइतबार स्वदेश फर्कने कार्यक्रम छ ।

Comments

comments

Now Get KathmanduPati App on your mobiles.

Android App iOS App
ad

धेरै पढिएको समाचार

Vianet
NEA
Yeti Airlines
Kumari Bank
Shikhar Insurance
Muktinath Development Bank
Nepal Vidhyapith

Now get KathmanduPati App on your mobiles.

Android App iOS App
Scroll to Top