काठमाण्डु – नवनियुक्त प्रधानमन्त्री केपी शर्मा ओलीले सिंहदरबारस्थित प्रधानमन्त्री तथा मन्त्रिपरिषद्को कार्यालयमा पुगेर पदभार ग्रहण गरेका छन् ।

सोमबार बिहान करिब साढे ११ बजे पद तथा गोपनियताको शपथ ग्रहण रेका ओलीले दिउँसो ३ बजेपछि प्रधानमन्त्री तथा मन्त्रिपरिषद् कार्यालयको पदभार ग्रहण गरेका हुन् ।

पद तथा गोपनियताको शपथ लिएपछि ओलीले लैनचौर पुगेर शहीद स्मारकमा रहेका शहीदहरूको शालिकमा माल्यार्पण गरेका थिए । त्यसपछि उनी ललितपुरको च्यासलस्थित पार्टी कार्यालयमा आएका थिए ।

करिब ३ बजेमात्र सिंहदरबारस्थित प्रधानमन्त्री तथा मन्त्रिपरिषद कार्यालय पुगेका ओलीलाई प्रधानमन्त्री कार्यालयका सचिवहरुले स्वागत गरेका थिए ।