पोखराको न्युरोडमा भीषण आगलागी
पोखरा – पोखराको मुख्य बजार न्युरोडमा भीषण आगलागी भएको छ ।
पर्यटकीय नगरी पोखराको मुख्य बजार क्षेत्र मानिने न्युरोडस्थित भाटभटेनी सुपर मार्केटनजिकै रहेको नवदुर्गा फर्निचरमा मंगलबार अपरान्ह सवा ४ बजेदेखि आगलागी भएको हो ।
आगलागीको कारण खुल्न नसकेको जिल्ला प्रहरी कार्यालय कास्कीले जनाएको छ । अहिले दमकलको सहयोगमा आगो निभाउने प्रयास भइरहेको प्रहरीले जनाएको छ ।