ललितपुरमा अपहरणको साढे २ घण्टामा बालिकाको उद्धार

ललितपुर – प्रहरीले अपहरणमा परेका एक बालकको साढे २ घण्टामा सकुशल उद्धार गरेको छ ।

सोमबार साँझ ललितपुरको इमाडोलबाट अपहरणमा परेका अनोख शाहको साढे २ घण्टापछि सकुशल उद्धार गरिएको हो । महानगरीय प्रहरी परिसर ललितपुरबाट खटिएको प्रहरी टोलीले हरिसिद्धिबाट बालकको उद्धार गरेको हो ।

महानगरीय प्रहरी ललितपुरका प्रमुख एसएसपी टेकप्रसाद राईले बालकको अपहरणमा संलग्न तीन जनालाई पक्राउ गरेको जानकारी दिए ।

बाराको सिम्रौनगढ नगरपालिका–१ घर भई हाल ललितपुर जिल्ला महालक्ष्मी नगरपालिका–४ मनकामना चोक स्थित बस्ने गुड्डी साहकी छोरी बर्ष ८ की अनुखा कोठा भन्दा बाहिर खेलीरहेको समयमा साईकलमा आएका ब्यक्तीहरुले साईकलमा राखेर लगेका थिए ।

उनीहरुले ति बालिकालाई प्रहरीले हरिसिद्दी स्थित सिता परियारको कोठामा बन्धक बनाई राखेको अवस्थामा फेला पाररेको थियो ।

प्रहरीले सर्लाही हरिवन नगरपालिका– ८ स्थायी घर भएका हरिसिद्दी बस्ने ३० वर्षका राजु कार्की, काभ्रेकी २३ वर्षीया सिता परियार र धनुषाका ४० वर्षका कृष्ण तोलामीलाई पक्राउ गरेको हो ।