प्रधानमन्त्री प्रचण्डको दाबी : राप्रपासँग सहमति भएको छ, कोशीमा गठबन्धनलाई सहयोग गर्छ
काठमाण्डु – प्रधानमन्त्री पुष्पकमल दाहाल ‘प्रचण्ड’ले कोशी प्रदेशमा गठबन्धनको सरकार बनाउन राष्ट्रिय प्रजातन्त्र पार्टी (राप्रपा) ले गठबन्धनलाई सहयोग गर्ने दाबी गरेका छन् ।
संसद् भवन नयाँ बानेश्वरबाट बाहिरिने क्रममा प्रधानमन्त्री प्रचण्डले संसदीय समिति गठन गर्दा राप्रपासँग बनेको सहमतिको वातावरणले कोशीमा सरकार गठन र पूर्णतामा सहजता आउने दाबी गरे ।
कोशीका विषयमा दलहरूबीच सकारात्मक ढंगले छलफल हुने बताउँदै उनले सरकार ‘फेल’ नखाने बरु सफल हुने बताएका छन् ।
