नेकपा अध्यक्ष प्रचण्ड र चिनियाँ प्रतिनिधि मण्डलबीच भेटवार्ता
काठमाण्डु – नेकपाका अध्यक्ष पुष्पकमल दाहाल प्रचण्ड र चिनियां कम्युनिष्ट पार्टीको अन्तर्राष्ट्रिय विभागका उपमन्त्री गुओ येचौबीच भेटवार्ता भएको छ ।
नेपाल भ्रमणमा रहेको चिनियाँ कम्युनिष्ट पार्टीका अन्तर्राष्ट्रिय विभागका उपमन्त्री गुओ येचौ नेतृत्वको प्रतिनिधि मण्डल नेकपाका अध्यक्ष प्रचण्डलाई भेट्न सोमबार आज प्रचण्ड निवास खुमलटार पुगेको हो ।
प्रचण्डको सचिवालयका अनुसार उनीहरुबीच करिब १ घण्टा भएको भेटमा नेकपाको विभाजन, संसद विघटन लगायतका समसामयिक विषयमा कुराकानी भएको छ ।
आइतबार नेपाल आएको चिनियाँ टोलीले राष्ट्रपति विद्यादेवी भण्डारी र प्रधानमन्त्री केपी शर्मा ओलीसँग पनि अलग–अलग भेटवार्ता गरेको थियो ।
सो टोलीले आजै नेकपाका अर्का अध्यक्ष माधव कुमार नेपालसँग पनि भेटवार्ता बताइएको छ ।
नेकपाको बिभाजनबाट असन्तुष्ट रहेको चिनियाँ कम्युनिष्ट पार्टीको यो टोलिले नेकपाको दुवै समूहलाई भेटेर एकता पुनःस्थापित गर्ने प्रयास गर्ने बुझिएको छ ।
