प्रचण्ड, माधव, बामदेव र बादलबीच हाेटलमा वार्ता
काठमाडौँ— सत्तासिन नेपाल कम्युनिस्ट पार्टीको राजनीतिक दस्ताबेजमा विवाद भइरहेका पार्टीका एक जना अध्यक्ष पुष्पकमल दाहाल ‘प्रचण्ड’ ले नेताहरूसँग आइतबार काठमाडौँको एक होटलमा वार्ता गरेका छन्।
प्रधानमन्त्री समेत रहेका नेकपाका अध्यक्ष केपी शर्मा ओलीले बहुदलीय जनवादलाई राजनीतिक सिद्धान्त मान्नुपर्ने र प्रतिवेदन फेरि लेख्नुपर्ने प्रस्ताव राखेपछि झस्किएका प्रचण्डले आइतबार काठमाडौंको होटल अर्यालमा २० मिनेट भेटवार्ता गरे। भेटमा राजनीतिक दस्तावेजको प्रतिवेदन लेख्न गठित कार्यदलको नेतृत्व गरेका नेता माधवकुमार नेपालसहित अन्य नेताहरु बमदेव गौतम र रामबहादुर थापा ‘बादल’ थिए।
नेताहरुबीच सरकार सञ्चालन, पार्टीलाई कसरी अगाडि बढाउने र कार्यविभिजनबारे छलफल भएको बताइए पनि विस्तृत विवरण खुलेको छैन। यो बैठकलाई अर्थपूर्ण रुपमा लिइएको छ।
