काठमाडौँ – कामना प्रकाशन समूहका प्रमुख तथा अग्रज पत्रकार पुष्करलाल श्रेष्ठको निधन भएको छ ।समकालीन नेपाली पत्रकारितामा अग्रणी भूमिका निर्वाह गरेका श्रेष्ठको आज नर्भिक अस्पतालमा मध्यान्ह ११:४९ मा मृत्यु भएको उनका छोरा दिरेकलाल श्रेष्ठले जनाएका छन्।

नेपालको रजतपटलाई आधार बनाएर सुरु भएको कामना मासिक, साधना मासिक, नेपाल समाचारपत्र (आजको समाचारपत्र) दैनिक र सन्याकालीन पत्रिका महानगर प्रकाशनको नेतृत्व लिएका श्रेष्ठ लामो समयदेखि अस्पतालमा संघर्षरत थिए। श्रेष्ठको आजै पशुपति आर्यघाटमा अन्तिम संस्कार गरिने परिवारजनले जानकारी दिएका छन् ।